Diahueps anochi tabata tin continuasion di Campeonato regular pa locual ta e segunto rond ora cu e muchanan di Madiki Riverplate a topa cu e hobennan di Solito R.C.A.. E nivel di wega tabata bastante malo y nos por a ripara cu ambos equipo no ta nan mihor forma. E condision tambe a laga di desea y e paro cu tabata tin den fin di aña ta hasi su efecto ariba e desarollo di nos futbol.

Di otro banda nos ta wak manera equiponan di Britannia y La Fama si ta ariba un nivel mas halto door cu nan ta continua den Copa Betico. Pa locual ta e wega e equipo di R.C.A. ta bai ariba cu gol di Steven pa despues Riverplate empata e wega na 1-1. Tabata Riverplate cu den final di wega cu a crea mas oportunidad di gol pero no por a cristalisa e oportunidadnan.
 E proximo weganan ta; Diabierna 22 jan Sport Boys vs Estrella na C.D.F.F., diahueps 28 jan Brazil Jrs. vs Nacional na C.D.F.F., diabierna 29 jan Bubali vs Dakota na C.D.F.F., y e ultimo wega lo ta diamars 2 feb La Fama vs Britannia na C.D. G.T., tur wega lo ta pa 8'or di anochi.