Dialuna atardi tabata tin continuasion di campeonato di division di Junioren unda cu Britannia a enfrenta R.C.A. ariba tereno di R.C.A. na Solito. E wega tabata ariba un nivel hopi halto y ambos equipo a mustra suficiente talento pa e aña nos dilanti. David Jansen a anota e prome gol pa Britannia den di prome tempo y asina halftime a bai aden 1-0 pa Britannia. Den di dos tempo ta David Jansen un biaha mas ta score y ta hasi e 2-0 y faltando 15 minut pa wega caba R.C.A. ta corta ventaha pa hasi e wega 2-1 y cu cual score e wega ta bin caba tambe. Un pabien grandi pa e muchanan di Junioren di Britannia; You are the future.