Diasabra 13 di Maart a tuma lugar 3 partido di futbol infantil riba tereno di SV. Britannia na Piedra Plat. Aki Britannia a midi forsa contra e fuerte equipo di RCA.  Den e prome partido cu tawata MiniBaby, un partido hopi movible pa ambos banda, pero RCA a bai cas cu e vitoria di 2-1.  Den e categoria di Baby otro bon wega na unda cu RCA tawata tin Britannia gana cu e score 2-0 pero e muchanan di Britannia no a perde speransa nan a bin cu un otro sistema di wega y ora cu Joaquin Rivas a los un tiro duro dal den e defensa di RCA y bai goal e partido a bira 2-1 na fabor di RCA pero faltando algun minut cu e wega termina Thion Oduber a los un fusia den goal y a hasi  e wega 2-2 y asina e partido a termina empata.  E ultimo wega di e partido den LIFIDA A aki nos por bisa cu e tawata un wega hopi fisico y movibel pero no bruto di ambos equipo, den e di dos mita e hungado di Britannia #16 M.Carrion a haja un free kick un bala tiraden skina dal paden di e tubo pica patras di e liña bin afo pero e refree no a conte pa goal, RCA a haya varios chens pa anota pero e keeper #20 D.Lumenier no a laga ningun goal drenta. y asina e RCA y Britannia a parti punto.  Un palabra di danki ta bai pa e refree nan di e partidonan Sr. Ivo Lacle y Sr. Fedi Ras.