SV Britannia a enfrenta Estrella ayera anochi den un stadion Guillermo Trinidad yena di fanatico unda a tuma lugar e di tercer wega cu porcierto esun desicivo. Mester bisa cu den un bon wega yena di emocion, e equipo di Britannia ta titula campeon ganado cu e score di 2 - 0, e golnan a bini di Jonathan Lake cu a drenta faltando 20 minut pa wega caba. E prome gol ta bini di un tiro liber y e segundo ta bini di un fusil magistralmente poni den skina robez. Jona tabata e arma secreto di Willy Croes pa bai cas cu e titulo. Pa Britannia esaki ta su di dos titulo como campeon tras di otro, mirando cu anja pasa tambe nan a gana e titulo den tres partido ganando di La Fama cual tambe tabata un final dramatico.

Un pabien na Willy Croes, Roy Wongsosemito, Jose Suarez, Jorge Lumenier, Cedric Werleman y Richard Dijkhoff.

Un pabien na e hungadornan; Arthur Werleman, Albert Lake, Aldwin Donato, Camilo Escobar, Carlos Geerman, Chando de Lange, Elvin Poppen, David Lacle, David Jansen, Derwin Donato, Gio Kartoredjo, Giovanni Thode, Gregory (Dedo) Lake, Jonathan (Jona) Lake, Junel Sanchez, Mark Mackay, Marlon Andrea, Raymond Tromp, Richard Rojas, Rolston Jeffery, Sebastian Montoya, Steven Castaño, Steven Pierresaint, Tom van Waardenburg, Ulises Nuñez y Yfrin Rojas. sigur na henter e fanaticada di Piedra Plat y becindario como tambe na e directiva, staf tecnico.

Y na SV Britannia cu nan back to back championship. Mas cu claro nos kier a manda tambe un felicitacion pa e equipo di Estrella cu nan titulo di sub-campeon, na Bubali cu di 3 lugar y La Fama cu e di 4 puesto.