Diabierna ultimo den e prome wega di play off final den categoria Junioren di AVB e equipo di Dakota ta gana Estrella cu score di 2-1 y ta pasa empata na prome lugar cu e propia equipo di Estrella. Pero na final di e encuentro nos por a comprende for di dirigentenan di Estrella cu nan a protesta e wega pasobra Dakota a hunga cu un hungador Anthony Lubbers cu no a hanja su transferencia Internacional for di Hulanda, mientras cu tur club ta na haltura cu tur hungador cu bin for di exerior mester pidi su transferencia internacional. Den di dos wega Nacional a enfrenta Britannia cual wega a bin caba den un empate di 3 gol pa banda. Segun nos por a comprende for di fuentenan bon na haltura cu Nacional a wordo avisa adelanta cu nan hungador Roy van den Heuvel mester a sinta un wega pa motibo di acumulacion di carchi geel, pero dirigentenan di Nacional a laga e hungador hunga toch.