E seleccion di futbol di Aruba U - 17, cu actualmente ta na e isla di Dominica hungando un clasificacion di Concacaf, a perde su di dos wega contra di e seleccion di Antillas Hulandes cu e score di 3 - 0. Den su prome salida Aruba a sa na gana e equipo di cas cu e score di 2 - 1, pero ayera nan a cai venci cu e score convincente di 3 - 0. E prome tempo a bai aden 1 - 0, pa Antillas cu gol anota pa Martis esaki na di 28min, den e di dos tempo Antillas Hulandes a sigui score esaki mediante di e hoben Bartholomeus kende ta pega e bala den net na dos ocasion, e 2 - 0 na di 51min y e 3 - 0 na di 79 min. Remarcabel ta cu e seleccion di Aruba ta haya dos carchi cora, uno pa Dede Kock y e otro pa Juel Balentien, tur dos casi na final di e partido, na unda Aruba ta termina e partido cu nuebe hungador. Aruba falta un wega mas pa hunga y esaki ta contra di e seleccion di Guyana. Aruba tin un wega gana y uno perdi, mientras cu Antillas tin un empata y un gana. Diasabra Aruba lo mester enfrenta e equipo di Guyana.
Nos ta desea e muchanan di U-17 tur clase di exito den nan ultimo wega y cu boso lo sa di tene e nomber di Aruba na halto. Nos ta contra cu boso lo bringa duro pa gana e ultimo wega. Biba Aruba. |