Diabierna anochi den Compleho Deportivo Guillermo P. Trinidad na Dakota a tuma lugar e tremendo wega entre e campeonnan di Aruba esta SV Britannia contra di e equipo talentoso di Corsow Didi Skerpene. E wega a cuminsa ariba un speed bastante halto y unda cu e equipo di Britannia tabata domina medio campo hopi bon y den defensa comanda pa Raymond Tromp Britannia no tabata duna Skerpene ningun chens. Apesar cu Britannia tabata domina e wega toch e equipo di Piedra Plat no por a score. Tabata Chando, Dedo y Marvin cu a hanja chensnan pa score pero na ta concretisa. Asina tambe half-time ta bai aden 0-0. Den di dos mitar Skerpene ta pone un tiki mas precion pero tabata Chando despues di risibi un paso Dedo cu ta score pa pone Britannia ariba 1-0. Faltando 10 minut pa wega caba Chando de Lange un biaha mas ta score y hasi e wega 2-0 y sella e victoria pa SV Britannia Pizza Hut. Na final di wega e staff technico di Britania cu ta consisti di Willy Croes, Jonathan Lake y Roy Wonsosemito a keda bastante satifecho pero Britannia ta keda falta mas nanishi pa gol. E wega tambe tabata un preparacion pa e torneo na Corsow cu lo cuminsa diaranson awor cu participacion di SV Britannia di Aruba, CB Barber di Corsow, Robinhood di Surnam y un team di Jamaica.