Te cu aña 1948 e clubnan di e division mas halto di A.V.B. tawata hunga pa e Koningin Wilhelmina Wissel Beker. Prome cu 1947 no tin ningun dato cua clubnan a gana e copa aki. Na 1947 Aruba Jrs. a gana San Nicolas Jrs. 1-0 y a keda como ganador. Como cu na aña 1948 La Reina Wilhelmina a cumpli 50 aña como reina a wordo hunga tambe pa e Copa Wilhelmina Jubileum Beker. R.C.A. a logra e hazaña di gana tur dos copa. Prome el a gana Hollandia 7-2 pa e Wissel Beker y un luna despues Volharding 4-2 pa bai tambe cu e Jubileum Beker.

 

For di 1949 te cu 1973 (excepto algun aña) A.V.B. a organisa e Koningin Juliana Beker. Aruba Jrs. a gana e copa aki cuatro aña sigui, for di 1952 pa 1955.  Na 1952 Aruba Jrs. a gana R.C.A. 7-1 cua ta e score mas halto pa un wega final. For di 1967 pa 1969 Dakota a gana e beker aki tres aña sigui. Sport Boys ta e ultimo club pa gana e copa aki na 1973. Equiponan cu a gana e beker aki ta:

 

Dakota                                    1960, 1962, 1963, 1967, 1968, 1969

Aruba Jrs.                    1952, 1953, 1954, 1955, 1958

R.C.A.                         1956, 1959, 1961, 1966

Hollandia                    1950

San Nicolas Jrs.           1951

Sport Boys                  1973

 

E añanan cu falta, sea resultadonan no ta conoci (1949) of no tawata tin (1957, 1964, 1965, 1970, 1971, 1972).

 

Sport Boys cu a gana e ultimo Copa La Reina Juliana a bira ganador di e prome Copa Libertador Betico Croes na 2005. Despues a sigui Estudiantes (2006), Dakota (2007) y Britannia (2008, 2009 y 2010). Si Britannia bolbe gana e aña aki e lo empata e record di Aruba Jrs. cu a gana cuatro Copa La Reina Juliana sigui.

 

Fico Vrolijk